Manchester United ayaa lagu soo waramayaa inay waayi doonto fursad ay kula soo saxiixan karto daafaca dhexe ee Real Madrid Nacho xagaagan, xilli ciyaaryahanka reer Spain uu isku diyaarinayo inuu xirfadiisa ciyaareed ka sii wato Waqooyiga Ameerika.
34-sano jirkaan ayaa fure u ahaa Real Madrid intii lagu jiray xilli ciyaareedkii 2023-24, isagoo u saftay 39 kulan tartamada oo dhan, isagoo ka faa’ideystay dhaawacyada mudada dheer ee Eder Militao iyo David Alaba.
Qandaraaska Nacho ee Bernabeu wuxuu dhacayaa 30ka Juun, inkastoo, si weyn loo filayo inuu soo afjaro xiriirkii dheeraa ee uu ku lahaa caasimadda isagoo raadinaya tartan cusub.
Warbixin dhawaan soo baxday ayaa lagu sheegay in Man United ay si wayn u doonayso xiddiga reer Spain iyada oo Red Devils la filayo in ay suuqa u gasho dhawr daafac oo cusub inta lagu guda jiro suuqa kala iibsiga xagaagan.
Raphael Varane iyo Jonny Evans ayaa labaduba qandaraaskoodu dhacayaa dhamaadka bisha June, waxaana la filayaa inay baxaan, halka kooxda la fahamsan yahay inay u furan tahay dalabyada Harry Maguire iyo Victor Lindelof.
Inter Milan iyo Juventus ayaa sidoo kale la aaminsan yahay in ay doonayeen in ay keenaan Serie A xagaagan.
Si kastaba ha ahaatee, sida laga soo xigtay Marca, Nacho ayaa go’aansaday inuu mustaqbalkiisa ka sii wato horyaalka MLS, isagoo sidoo kale diiday xiisaha qaaliga ah ee uga yimid Saudi Arabia.
HBN SPORTS DESK