Waxaa jira warar badan oo ku saabsan weeraryahanka RB Leipzig, iyadoo labada kooxood ee Arsenal iyo Chelsea la rumeysan yahay inay xiiseynayaan saxiixiisa, halka Manchester United sidoo kale loo maleynayo inay si dhow ula socoto arrimaha.
Sesko waxa uu Leipzig kaga soo biiray Red Bull Salzburg xagaagii hore, isagoo qalinka ku duugay heshiis uu kooxda Bundesliga kula sii joogayo ilaa xagaaga 2028.
20-sano jirkaan lagu magacabaa, ayaa qaab ciyaareed wanaagsan ku qaadanaya kooxda Jarmalka inta lagu guda jiro xilli ciyaareedkii 2023-24, isagoo dhaliyay 15 gool, waxaana uu diiwaan geliyay labo caawin 39 kulan oo uu saftay tartamada oo dhan.
Sesko ayaa 11 gool ka dhaliyay Bundesliga xilli ciyaareedkan, halka uu kaliya labo gool ka dhaliyay Champions League ka hor inta aysan Leipzig ka reebin tartanka Real Madrid.
Waxaa la rumeysan yahay inuu jiro 43 milyan ginni oo lagu burburin karo qandaraaska Sesko ee Leipzig, sidaas darteed qiimaha suuqa kala iibsiga lama filayo inay dhibaato ku noqoto xilli ciyaareedkan kooxaha xiiseynaya.
Sesko waxa uu u baahan doonaa lacag badan oo dhanka mushaharka ah, laakiin waxa uu dalban doonaa mushaharkiisa, dhibaato gaar ahna kalama kulmi doono Arsenal, Chelsea iyo Man United awoodooda dhaqaale.
Chelsea iyo Man United ayaa mar walba ku kalsoon marka ay galayaan dagaalka suuqa kala iibsiga, laakiin labadooduba waxa ay ka bixi doonaan tartanka champions League xilli ciyaareedka dambe taas oo dhibaato weyn ku ah iyaga.
HBN SPORTS DESK