Garabka Arsenal Invincibles Robert Pires ayaa qirtay inuu jeclaan lahaa inuu Liverpool ku arko xiddiga Paris Saint-Germain Kylian Mbappe xilli ciyaareedka soo socda.
25 jirkaan ayaa horraantii sanadkan ku wargaliyay kooxda heysata horyaalka France inuu ka tagayo kooxda marka uu qandaraaskiisu dhaco xagaagan, isagoo horey u diiday inuu qaato 12 bilood oo dheeri ah.
Mbappe iyo PSG midkoodna wali si rasmi ah uma xaqiijin inay kala tageen, laakiin maamulaha kooxda koowaad ee Luis Enrique ayaa ka dhawaajiyay bixitaankii weeraryahanka wax ka badan hal jeer bilihii u dambeeyay.
Inkastoo ay jiraan warar xan ah oo sheegaya inuu u dhaqaaqayo Premier League, Mbappe ayaa si weyn loo filayaa inuu rumeeyo riyadiisa ah inuu matalo Real Madrid, waxaana la sheegay inuu heshiis mabda’ ah la gaaray kooxda Carlo Ancelotti.
Si kastaba ha ahaatee, xiddigii hore ee Monaco ayaa horey u diiday Real Madrid, isagoo si xushmad leh u diiday Los Blancos 2022 si uu qandaraas cusub ugu saxiixo PSG, Pires ayaana aaminsan inuu soo bandhigi karo qaab ciyaareed kale oo cajiib ah.
HBN SPORS DESK