Borussia Dortmund ayaa lagu soo waramayaa in ayna qorshaynaynin in ay si joogto ah dib ula wareegto Jadon Sancho xagaagan taas badalkeedana ay doonayso in ay amaah kale kula wareegto weeraryahanka Manchester United.
23 jirkaan ayaa amaah ugu soo laabtay Dortmund bishii Janaayo, waxaana uu sideed kulan u saftay kooxda Jarmalka markii labaad ee kooxda, isagoo labo caawin ka sameeyay howshaas.
Sida ay hadda tahay, Sancho waxa uu dib ugu laaban doonaa Man United xagaagan, waxaana labo sano oo kale uga harsan tahay inuu qandaraaskiisa kula jiro 20-ka jeer heysta horyaalka Ingariiska.
Weeraryahanka ayaa u muuqda mid aan mustaqbal ku yeelan doonin kooxda uu hogaamiyo tababaraha haatan ee Erik ten Hag, laakiin waxaa jiray soo jeedin ah in dib loogu soo celin karo kooxda koowaad ee Old Trafford hadii INEOS ay go’aansato in ay isbadal ku samayso kooxda dhamaadka xilli ciyaareedka.
Sida laga soo xigtay HITC, Man United ayaa ku rajo weyn inay iska iibiso Sancho xagaagan, Red Devils ayaa lagu wadaa inay wadahadalo la yeelato Dortmund ‘ toddobaadyada soo socda’.
HBN SORTS DESK