Saamiga Milkiilaha cusub ee Manchester United Sir Jim Ratcliffe ayaa lagu soo waramayaa inuu ku riyoonayo inuu Zinedine Zidane u magacaabo tababaraha xiga ee kooxda.
Inkasta oo natiijooyinka la soo roonaaday ee 2024, haddana waxaa jira warar la isla dhexmarayo oo ku saabsan mustaqbalka maamulaha Red Devils Erik ten Hag.
Man United ayaa galabnimadii sabtida la kulantay guuldaradii 15-aad ee xilli ciyaareedka 2023-24, kadib markii ay 2-1 kaga badisay Fulham, natiijadaas ayaana ka dhigan in ay ku jiraan kaalinta lixaad ee kala sarreynta horyaalka Premier League, iyagoo seddex dhibcood ka hooseeya kooxda kaalinta shanaad Tottenham Hotspur iyo sideed ka mid ah booska afaraad ee Aston Villa.
Ratcliffe ayaan weli si cad u taageerin Ten Hag, inkastoo ninka reer Holland uu sheegay intii lagu guda jiray shirkiisa jaraa’id ka hor kulankii fiidnimadii Arbacada ee wareega shanaad ee FA Cup ee ay la ciyaareen Nottingham Forest in uusan ka walaacsanayn wararka la isla dhexmarayo ku saabsan mustaqbalkiisa.
Si kastaba ha ahaatee, sida laga soo xigtay FootMercato, Ratcliffe ayaa doonaya inuu sahamiyo suurtogalnimada uu Zidane ku keeno Old Trafford, isagoo u arka tababaraha Faransiiska inuu yahay bartilmaameedkiisa ugu horreeya.
HBN SPORTS DESK